Израелскиот премиер Бенјамин Нетанјаху одобри нови разговори за прекин на огнот во Газа, еден ден откако Меѓународниот кривичен суд му наложи на Израел да обезбеди итна испорака на хуманитарна помош за жителите на енклавата.
На 29 март, кабинетот на Нетанјаху објави дека нови преговори за прекин на огнот и ослободување на заложниците ќе се одржат во Доха и Каиро „во наредните денови со насоки за понатамошен напредок во преговорите“, откако тие беа закочени.
На 28 март, Меѓународниот кривичен суд во Хаг објави дека „Палестинците повеќе не се соочуваат со ризикот од глад, но дека е присутен“.
Филипе Лазарини, директор на агенцијата на Обединетите нации за палестински бегалци, објави на мрежата Х дека пресудата „е потсетник дека луѓето се одговорни за катастрофалната хуманитарна ситуација во Појасот Газа и дека таа се влошува“.
Видете и ова: Меѓународниот суд на правдата бара мерки од Израел за решавање на гладот во ГазаСудот во јануари пресуди дека Израел мора да ја обезбеди потребната хуманитарна помош за Газа и да спречи геноцид, но Израел го отфрли случајот покренат од Јужна Африка.
И покрај обврзувачката резолуција за итен прекин на огнот, која беше усвоена оваа недела од Советот за безбедност на Обединетите нации, борбите продолжија на 29 март, вклучително и во близина на болниците во Газа.
Израелската армија соопшти дека продолжува со операциите во најголемата болница Ал Шифа 12-ти ден по ред.
Низ целата енклава, десетици луѓе беа убиени во текот на ноќта, според Министерството за здравство во Газа, кое е под контрола на Хамас, палестинска организација која САД и Европската унија (ЕУ) ја сметаат за терористичка организација.
Војната изби кога Хамас ја нападна израелската територија на 7 октомври, при што според израелските податоци загинаа околу 1.200 луѓе, главно цивили, а зедоа околу 250 заложници. Во израелската кампања загинаа најмалку 32.620 Палестинци, претежно жени и деца, според Министерството за здравство во Газа контролирано од Хамас.