Засилено е обезбедувањето на гробиштата Борисовскоје во Москва, каде на 1 март се очекува да биде погребан опозицискиот политичар Алексеј Навални, кој почина во оддалечениот арктички затвор пред речиси две недели.
Неколку полициски пунктови беа поставени во близина на гробиштата и покрај најблиската метро станица, додека на секое улично светло околу гробиштата се поставени безбедносни камери.
По богослужбата во црквата на Богородица, Навални ќе биде погребан на блиските гробишта Борисовское, проследено со краток марш, напиша портпаролката на Навални, Кира Јармиш во објавата на социјалната платформа Икс, претходно позната како Твитер на 28 февруари.
Вашиот пребарувач не подржува HTML5
„Путин мора да одговара“: вдовицата на Навални стравува од апсења на погребот во Москва
Соработниците на Навални во вторникот објавија дека не можат да најдат сала во Москва за да одржат проштална церемонија за жестокиот критичар на Кремљ поради одбивањето на погребалните агенции и местата да им пружат таква услуга.
Во своето обраќање пред Европскиот парламент на 28 февруари, Јулија Навалнаја, неговата вдовица, рече дека телото на Навални било „злоупотребувано“ по неговата смрт.
Телото на Алексеј Навални, кој почина на 16 февруари, беше предадено на неговата мајка Људмила на 24 февруари.