Европската унија на 19 февруари започна поморска мисија за заштита на товарните бродови во Црвеното Море од нападите на бунтовниците Хути во Јемен, кои го попречуваат поморскиот сообраќај и трговијата и предизвикуваат пораст на цените.
Мисијата, наречена „Аспидес“, или на грчки „Штит“, ќе биде оперирана од Лариса, Грција и ќе биде под команда на поморскиот офицер Василос Грипарис.
Мисијата на ЕУ нема да учествува во воени напади и ќе работи само на море, пренесува агенцијата АП.
Видете и ова: Хутите ветија одговор на американските и британските напади врз 36 цели во ЈеменЈеменското движење Хути врши напади со беспилотни летала и ракети врз трговски бродови во знак на протест против операцијата на израелската војска во Појасот Газа која започна во октомври.
Американските и британските сили извршија повеќе напади на локации што ги користат бунтовниците во Јемен.