Министерот за одбрана на САД Лојд Остин синоќа бил однесен во Националниот воен медицински центар по итни здравствени проблеми поврзани со бешиката, соопштија од Пентагон.
Оттаму укажаа дека тој ги префрлил своите должности на неговиот заменик.
„Денеска околу 14 часот и 20 минути секретарот за одбрана Лојд Џ. Остин трети беше превезен од неговите безбедносни служби до Националниот воен медицински центар Валтер Рид да биде прегледан поради симптоми на итни проблеми со бешиката“, соопшти синоќа портпаролот на Пентагон Пат Рајдер.
Тој првин извести дека Остин продолжува со своите службени должности но доцна синоќа рече дека ги пренел должностите министер за одбрана на својот заменик Кејтлин Хикс. За ова биле информирани Белата куќа и советникот за национална одбрана.
Видете и ова: Шефот на Пентагон пуштен од болница, Бајден со недели не знаел дека тој е боленОстин во јануари беше хоспитализиран на две недели поради компликации со рак на простата. Тој се врати на работи при крајот на месецот и на прес брифинг изјави дека сè уште се закрепнува.
Тој неделава во Брисел има закажано средба со Контактната група за одбрана на Украина што би било прво негови патување во странство по првичната хоспитализација