Денешните протести на земјоделците кои го блокираат сообраќајот со трактори на 250 места низ Полска имаат поддршка од Владата бидејќи, како што рече министерот за земјоделство Чеслав Шејерски, се борат за вистинската работа и им помагаат на властите во преговорите со Европската Унија и притисоците врз Европската Комисија.
„Земјоделците имаат оправдани стравувања, очекувања, барања да се ограничи прекумерниот проток на стоки од Украина, а исто така и од други пазари надвор од ЕУ. Протестите на полските, француските и германските фармери ни помогнаа многу во притисокот врз Европската Комисија. Тоа се дозволени форми на протест“, изјави денеска (9 февруари) министерот за земјоделство и рурален развој Шејерски за јавното полско радио.
Видете и ова: Превисоката цена на протестите на земјоделците во ЕУПокрај блокадите, кога го отежнуваат сообраќајот со бавно возење, полските земјоделци ги блокираат и сите гранични премини со Украина бидејќи не им се допаѓа, како што велат, неконтролираниот увоз на земјоделски производи од Украина.
И земјоделците во Полска протестираат против европскиот план за борба против глобалното затоплување, во кој се предвидени ограничувања за нив, а како пример го наведуваат тоа што секоја година би морале да остават необработени четири отсто од нивите на фармата.
„Полска и другите погранични земји кои се најблиску до Украина најмногу се погодени од одлуката на ЕУ за либерализација на трговијата, отворањето на Унијата за увоз на стоки од Украина без царини, без квоти. Ова требаше да биде форма на помош за Украина, ја разбираме помошта“, рече министерот Шејерски.
Полскиот министер за земјоделство сепак нагласи дека во одредени области ќе биде неопходна целосна забрана за увоз, како на пример житариците.