Незадоволните земјоделци со околу илјада трактори ги блокираа улиците околу седиштето на Европската Комисија во Брисел, каде се одржува самитот на Европската Унија, соопшти белгиската полиција.
Конвои од трактори на гневни земјоделци, по неколкунеделни протести низ ЕУ, влегоа во белгискиот главен град рано наутро со громогласни мотори, петарди и сирени додека европските лидери ги слушнаа нивните проблеми со прекумерните трошоци, правила и бирократија.
Портпаролот на полицијата за АФП изјави дека земјоделците, главно од Белгија, се држат настрана од местото каде што се собираат 27-те лидери на Европската Унија.
Иако се очекува самитот на ЕУ да се фокусира на обезбедување финансиска помош за Украина во нејзината борба против руската инвазија, фармерите веројатно ќе ја турнат својата мака на неформалната агенда на 27-те лидери.
Видете и ова: Француските земјоделци со трактори се упатија кон ПаризПовеќето од демонстрантите се млади и семејни земјоделци кои го чувствуваат растечкиот товар на повисоките цени на енергијата, поевтината странска конкуренција која не мора да се придржува до строгите правила на ЕУ, инфлацијата и климатските промени кои ги поплавија или изгореа посевите.
Слични протести се одржуваа низ ЕУ во поголемиот дел од неделата. Земјоделците блокираа повеќе сообраќајни артерии низ Белгија, Франција и Италија во средата додека се обидоа да ја нарушат трговијата на главните пристаништа и другите витални економски линии.
Видете и ова: Протест на германските земјоделци пред Бранденбуршката портаЗемјоделците кои дојдоа во Брисел во четврток (1 јануари) инсистираа дека нивниот протест ќе биде мирен. Протестите имаа непосреден ефект во средата, бидејќи Европската Комисија ги објави плановите да ги заштити земјоделците од евтиниот извоз од Украина за време на војната и да им дозволи на земјоделците да користат дел од земјиштето што не можеа да го користат од еколошки причини.