Земјоделците во Франција денеска (31 јануари) се приближуваат до Париз и градскиот пазар на големо Ренжис со намера да го блокираат сообраќајот и покрај обидите на властите да ги исполнат нивните барања и да ги убедат да се откажат од понатамошни протести.
Земјоделците ширум Франција се упатија кон Париз со трактори, јавуваат француските медиуми.
Францускиот министер за внатрешни работи Жералд Дерманен предупреди дека нема да им дозволат да го блокираат пазарот на големо и да го парализираат Париз и околината.
Околу 10 000 демонстранти продолжуваат да одржуваат повеќе од 100 блокади во Франција.
Видете и ова: Француските земјоделци ќе го блокираат ПаризФранцускиот премиер Габриел Атал ниту за време на вчерашниот говор во Националното собрание не успеа да ги убеди земјоделците кои речиси 15 дена протестираат, да се откажат од блокадите.
Министерот за економија Бруно Ле Мер вети дека Франција ќе се заложи да обезбеди, за време на преговорите во Брисел, договорот на Европската Унија со земјите од Меркосур (Бразил, Аргентина, Уругвај, Парагвај) да не биде потпишан додека не се направат промени.
Француските земјоделци особено протестираат против договорот за слободна трговија со кој се дозволува увоз на евтини земјоделски производи од Јужна Америка, што тие ги сметаат за нелојална конкуренција.