Вкупно 39 години затвор добија осудените шестмина за автобуската несреќа која пред речиси пет години се случи кај Ласкарци во близина на автопатот Скопје- Тетово, а во која загинаа 16 луѓе и над 30 беа повредени.
Најголема затворска казна доби возачот на автобусот Маноил Трифуновски, 14 години, додека газдата на фирмата „Дурмо Турс“ во чија сопственост е автобусот, Дурмиш Белули доби 4 годишна казна затвор.
Одговорниот за транспорт во фирмата Ремзи Мифтари беше осуден на 6 години затворска казна, додека вработените во техничкиот центар на истоимената фирма, Игор Ѓорѓиевски, Горан Дуковски и Јане Боварски, добија по пет години казна затвор како соучесници.
Видете и ова: Правда и вистината очекуваат роднините на загинатите во ЛаскарциСудот им одреди и споредна казна на сите обвинети, а тоа е забрана за вршење на должност во времетраење на пет години. Во годините затвор ќе им се пресмета и притворот кој досега го поминале во исчекување на пресудите.
Фирмата „Дурмо Турс“ по автобуската несреќа продолжи да сообраќа на трасата Скопје – Гостивар.