Американската амбасадорка во земјава, Анџела Агелер денеска изјави дека таа нема конкретни сознанија за евентуално руско влијание во претстојниот изборен процес, иако, како што рече, тоа генерално е присутно во регионот.
Агелер ова го кажа одговарајќи на новинарско прашање дали има информации за евентуално руско влијание на престојните избори, на настанот на кој заедно со министерот за образование и наука Јетон Шаќири потпишаа меморандумот за спроведување на Фулбрајт програмата за академска размена.
Таа сепак напомена дека најважно за граѓаните за претстојните избори е добро да се едуцираат за процесот и за кандидатите, кои ќе учествуваат во него.
„Не сум свесна за некое експлицитно и специфично влијание, како што кажавте. Јас сум уверена дека тоа е тука, бидејќи генерално го има во регионот, но мислам дека она што е најважно како што се движиме во кон овој изборен период е граѓаните на оваа земја да поставуваат прашања за кандидатите и да ги земат предвид нивните приоритети, кога ќе гласаат. Тоа за мене е најважно и секако да се едуцираат себе си за процесот и за кандидатите, без разлика кој би можел да се меша, тоа е најважната алатка која ја имаат,“ истакна Агелер.
Видете и ова: Руската амбасада во Скопје - Балкански рекордер на социјалните мрежиПред три дена, првиот вицепремиер и министер за политички систем меѓу заедниците Артан Груби посочи дека во однос на стратешките одлуки и процеси кои се правеле и прават во Северна Македонија. Русија секогаш била против.
Безбедносната, енергетската, ценовната криза и инфлацијата, според Груби, имаат само едно име - Русија и нивната воена агресија врз Украина.