Вести

Војната меѓу Израел и Хамас влезе во 100-тиот ден, Нетанјаху вети „Никој нема да нè спречи“

Чад се крева во централна Газа, среде тековниот конфликт меѓу Израел и палестинската исламистичка група Хамас, во близина на границата меѓу Израел и Газа, гледано од Израел, 13 јануари 2024 година.

Војната меѓу Израел и милитантната група Хамас, која САД и ЕУ ја прогласија за терористичка организација, на 14 јануари влезе во 100-тиот ден.

Претходно израелскиот премиер Бенјамин Нетанјаху вети дека „никој нема да не спречи“ да ја уништиме милитантната група.

Конфликтот предизвика хуманитарна криза, со повеќе од 23.000 загинати лица во Газа.

Видете и ова: Илјадници луѓе во Лондон и други градови на пропалестински маршеви

Голем дел од опколената палестинска територија беше претворена во урнатини.

Војната во Газа започна на 7 октомври, кога милитантите на Хамас започнаа напад без преседан од Појасот Газа.

Нападот резултираше со околу 1.140 смртни случаи во Израел, главно цивили, според извештајот на АФП заснован на официјални бројки.