Aмериканскиот државен секретар Ентони Блинкен ја започна посетата на Израел со средба со израелскиот претседател Исак Херцог.
Портпаролот на Блинкен вели дека Блинкен ја повторил американската поддршка за правото на Израел да гарантира дека нападите на Хамас врз Израел од 7 октомври „не може да се повторат“ и ја истакна потребата да се преземат сите можни мерки на претпазливост за да се минимизира цивилната штета“ за време на израелската операција против Хамас.
„Тие, исто така, разговараа за тековните напори да се обезбеди ослободување на сите преостанати заложници земени од Хамас во нападот на 7 октомври“, рече портпаролот Метју Милер.
Израел проценува дека 123 лица се водат за исчезнати.
Милер додаде дека Блинкен ги повторил американските повици за продолжување на „одржлива испорака на хуманитарна помош за цивилите во Газа“.
Видете и ова: Израел почна нова фаза од војната, со помалку војници и воздушни нападиНа брифингот пред состанокот, Херцог го спомна „суровиот и апсурден“ случај за геноцид што го покрена Јужна Африка, а кој оваа недела ќе оди пред Меѓународниот суд на правдата.
Во меѓувреме, израелска делегација пристигна во Каиро за да ги продолжат индиректните преговори за ослободување на заложниците кои се држат во Газа, јавија денеска израелските медиуми.
Во меѓувреме, дел од семејствата на израелските заложници се собраа да демонстрираат на граничниот премин Керем Шалом со Газа.
Тие планираат да го свртат вниманието на повеќе од 130 лица кои сè уште се држат како заложници откако беа киднапирани од јужен Израел на 7 октомври.
Шаи Венкерт, таткото на 22-годишникот кој беше приведен, рече дека демонстрантите на преминот ќе спречат испорака на стоки и лекови во Појасот Газа.