Владата на Косово доцна во четвртокот, 4 јануари, објави дека одлучила да ја укине одлуката за ставање налепници на возилата со српски регистарски таблички. Ова следува по одлуката на Србија од почетокот на оваа недела да дозволи слободно движење низ Србија на возила со косовски таблички.
Од понеделник, 1 јануари, возилата со регистарски таблички РКС – Република Косово – почнаа слободно да се движат на територијата на Србија, по одлуката на Владата на Србија во декември.
Владата на премиерот Албин Курти објави дека укинувањето на режимот на самолеплива хартија „е чин на добрососедство и доаѓа по целосното признавање на регистарските таблички на Република Косово од Србија“. Одлуката влегува во сила со денот на објавувањето во Службен весник.
Видете и ова: Табличките, една сопка помалку во односите меѓу Белград и ПриштинаЗа прашањето за слободно движење, Косово и Србија првпат постигнаа договор во 2011 година, за време на дијалогот за нормализација на односите со посредство на Европската Унија.
По тензиите предизвикани од прашањето на регистарските таблички, во септември 2021 година беше постигнат привремен договор за регистарски таблички. Според тој договор, кој требаше да важи шест месеци додека работните групи за Косово и Србија не најдат долгорочно решение, возачите со косовски и српски регистарски таблички ставаа налепници со државни симболи на нивните регистарски таблички секогаш кога ќе ја минат границата помеѓу двете земји.
Српскиот претседател Александар Вучиќ на 31 декември изјави дека со одлучувањето за слободно движење на возила со регистарски таблички RKS низ централна Србија, неговата влада избегна „големи стапици и опасности“ за земјата.
Видете и ова: Вучиќ за одлуката за табличките со РКС: Избегнавме големи замки и опасности„Нашиот интерес е отворен Балкан и слобода на движење, што важи и за возилата. Мислам дека српскиот народ и Србија во целина ќе имаат корист од оваа одлука. Со ова и со некои други работи избегнавме големи замки и опасности за Србија", рече Вучиќ.
Одлуката на Белград беше поздравена од Европската Унија, која ја оцени како позитивен чекор кон нормализација на односите меѓу Косово и Србија.
За вицепремиерот на Косово, Бесник Бислими, одлуката на српската Влада за регистарските таблички РКС била показател дека „сета дестабилизација“ што Србија со години ја прави во врска со нив е „нелогична и непотребна“.