Шефот на европската дипломатија, Жозеп Борел, изјави дека Русија, која прибегнува кон масовно гранатирање на цивилното население и цивилната инфраструктура во Украина, ќе биде одговорна за овие воени злосторства.
„Русија ја почна новата година со истрелување на над сто проектили и беспилотни летала кон Киев, Харков и другите украински градови, целејќи цивили, уништувајќи станбени области и инфраструктура. Русија ќе биде повикана на одговорност за своите воени злосторства“, напиша Борел на платформата X.
Првиот европски дипломат уште една потврди дека Европската Унија ќе застане на страна на Украина.
Видете и ова: Најмалку пет загинати и десетици ранети во руските напади на Киев и ХарковИнаку Русија вчера изврши масовен воздушен напад врз Киев и Харков. Во рускиот напад загинаа пет лица, 130 беа повредени, а повеќе од 250 цивилни згради беа оштетени.
Русија ја почна целосната инвазија врз Украина на 24 февруари 2022 година.