Властите на островот Флорес во Индонезија евакуираа речиси 1200 луѓе од селата во близина на вулканот Левотоби, откако исфрли пепел и чад до висина од 1500 метри во воздухот, изјави денеска официјален претставник.
Вулканот, кој се наоѓа во областа Источен Флорес во источната провинција Источна Нуса Тенгара, еруптираше вчера, што ги натера властите да го подигнат нивото на тревога на второ највисоко ниво.
Видете и ова: Ерупција на вулкан во Исланд, евакуирани 4000 лицаОва е беше втора ерупција за помалку од две недели откако вулканот на 23 декември еруптираше за прв пат по 20 години.
Фреди Моат Аенг, локален функционер, изјави за новинската агенција Антара дека жените, постарите возрасни лица, децата и бебињата биле однесени во засолништа како што се училишта, канцеларии и воени бази.
Тој рече дека луѓето биле советувани да се држат подалеку од радиус од два до три километри од кратерот. Нема извештаи за повредени или причинета материјална штета.