Во југозападен Исланд еруптираше вулкан по неколку недели интензивна сеизмичка активност, соопшти Метеоролошката служба на земјата.
На полуостровот Рејкјанес, властите евакуираа речиси 4000 жители на рибарскиот град Гриндавик и ја затворија блиската геотермална бања Плава лагуна.
„Предупредување: Ерупцијата започна северно од Гриндавик во близина на Хагафел“, објави Метеоролошката канцеларија на својата веб-страница.
Меѓународниот аеродром во Рејкјавик, кој се наоѓа во близина, остана отворен.
Видете и ова: Евакуиран град во Исланд, расте стравот од вулканска ерупција„Во моментов нема пречки во пристигнувањата и полетувањата на аеродромот Кефлавик“,пишува на неговата веб-страница.
Во последниве години имаше неколку ерупции на полуостровот во ненаселени области, но се верува дека сегашната ерупција претставува непосредна закана за градот, соопштија властите.
Рејкјанес е вулканско и сеизмичко жариште југозападно од главниот град Рејкјавик. Во март 2021 година, фонтаните од лава еруптираа спектакуларно од пукнатина долга 500-750 метри во земјата во вулканскиот систем Фаградалсфјал.