Израелската армија соопшти дека нападнала сириска воена станица како одговор на ракетен истрел, јави агенцијата ДПА.
Ракетите истрелани од Сирија паднале „на отворено поле“, се наведува во соопштение.
Според невладината мониторинг организација со седиште во Велика Британија, Сириската опсерваторија за човекови права, полиција поврзана со Иран истрелала три ракети.
Видете и ова: Хјуман рајтс воч - Израел ги изгладнува жителите на Појасот Газа
Од почетокот на војната во Појасот Газа, која избувна по нападот извршен од страна на палестинското исламистичко движење Хамас во јужен Израел на 7 октомври, постојано има престрелки и други инциденти долж северните граници на Израел, главно со Либан, но и со Сирија.
Инаку, израелските воздухопловни сили со години редовно бомбардираат цели на сириска територија.
Како што јавуваат странските агенции, целта на Израел е да го спречи својот голем непријател Иран да го прошири военото присуство во Сирија со помош на сојузничките полиции.