Израел синоќа им нареди на жителите да го напуштат центарот на градот Кан Јунис во јужна Газа и продолжи со нападите низ палестинската територија.
Откако пропадна прекинот на огнот минатата недела, Израел ја прошири својата копнена офанзива во јужниот дел на Појасот Газа.
Во исто време, двете страни известија за зголемување на борбите на северот на Појасот.
Израел рече дека неговата кампања напредува, а советникот за национална безбедност Цачи Ханегби истакнува дека израелските сили досега убиле најмалку 7.000 милитанти на Хамас, без да каже како стигнале до таа проценка.
Видете и ова: ОН - Палестинците во Газа живеат во „апсолутен продлабочен терор“Портпаролот на Израел на арапски јазик, Авичај Адраее, објави мапа на мрежата „Х“ на која се прикажани шест блока на Кан Јунис каде на жителите им било кажано „итно да се евакуираат“.
Тие вклучуваат делови од центарот на градот кои претходно не биле предмет на такви наредби.
Израел издаде слични предупредувања пред нападот на источните делови на градот, а жителите велат дека стравуваат дека новите наредби за евакуација се всушност предвесник за нови напади.