Иран минатата година останал главен спонзор за глобален тероризам, вклучен во давање поддршка, регрутирање, финансирање и организација на терористи ширум Африка, Азија, Европа и Америка, наведува американскиот Стејт департмент, во извештајот за тероризам за 2022 година, кој е објавен на 1 декември.
На Блискиот исток, Иран продолжи да го поддржува Хезболах, кој Вашингтон уште во 1997 година го прогласи за терористичка група, стои во извештајот.
Исто така, се додава и дека Иран го снабдувал со оружје Хамас, но и другите палестински терористички групи, кои на тој начин се карактеризирани од САД, вклучувајќи го Палестинскиот исламски џихад и Народниот фронт за ослободување на Палестинците.
„Овие групи стојат зад бројни смртоносни напади во Газа и Западниот брег“, се додава во извештајот.
Видете и ова: Извештај за тероризам 2022: Пад на терористичките напади, ИСИС одговорна за најголемиот дел од нивТехеран, исто така, како што стои во извештајот, давал поддршка и на екстремистички групи во Бахреин, Ирак и Сирија, преку своите „Чувари на исламската револуција“, со цел создавање на дестабилизација во регионот, се додава во извештајот на Стејт департментот.
Покрај ова, во годинешниот извештај за тероризам се вели и дека во Авганистан, каде владеат талибанците, во текот на минатата година, биле активни и членовите на Ал-Каеда, групата „Исламска држава“, како и регионални терористички групи.
Сепак, во извештајот се споменува и дека „САД се уште немаат одлучено дали ќе ги признаат талибанците или кој било друг ентитет како влада на Авганистан“, и се вели дека талибанците го примиле ѝ му понудиле засолништво на лидерот на „Ал-Каеда“ во Кабул, Ајман Ал Завахири, пред неговата смрт во американскиот воздушен напад во јули минатата година.