Американскиот претседател Џо Бајден изјави дека договорот за ослободување на неколку од над 200-те заложници кои ги држел Хамас во Газа е „многу блиску“.
„Мојот тим е во регионот и се наоѓа меѓу големите градови. Сега сме многу блиску до враќањето на некои од овие заложници дома многу брзо. Но, не сакам да навлегувам во детали бидејќи ништо не е готово додека не е готово“, им рече Бајден на новинарите, пренесува Ројтерс.
„Кога ќе имаме повеќе да кажеме, ќе кажеме“, додаде тој.
Претходно и извор запознаен со разговорите за Ројтерс наведе дека договорот меѓу Израел и Хамас „е во завршна фаза“ и „е поблиску од кога било досега“. Договорот е со посредство на Катар, а се однесува на ослободување на заложниците и повеќедневна пауза во нападите.
Видете и ова: Нетанјаху - Постигнат е напредок во ослободувањето на заложницитеПотенцијалниот договор ќе овозможи ослободување на околу 50 заложници земени од Хамас, група означена како терористичка организација од Соединетите Држави и Европската Унија.
Покрај тоа, би било можно да се ослободат палестинските жени и деца од израелски притвор, изјави изворот за Ројтерс.
И израелскиот премиер Бенјамин Нетанјаху изјави дека е постигнат напредок во ослободувањето на заложниците.
„Ние напредуваме. Мислам дека не вреди да се говори премногу, дури и во овој момент, но се надевам дека наскоро ќе има добри вести“, пренесува Ројтерс.
Шефот на Хамас претходно изјави за Ројтерс дека екстремистичката група е блиску до договор за примирје со Израел, иако продолжи смртоносниот напад врз Газа и ракетниот напад врз Израел.