Пакистан отвори уште три гранични премини за да го олесни протокот на авганистански мигранти кои се депортираат во Авганистан.
Во извештаите на пакистанските медиуми на 13 ноември се вели дека трите правци се кај тврдината Саифулах во провинцијата Белучистан, областа Чагаи во Брабчех и областа Нурхаб.
Повеќе од 300 000 Авганистанци без документи го напуштија Пакистан откако Исламабад минатиот месец објави дека повеќе од 1,7 милиони странци без документи треба да заминат до 1 ноември или ќе се соочат со апсење и депортација.
Вашиот пребарувач не подржува HTML5
Масовна депортација на авганистански бегалци од Пакистан
Пакистан ги отфрли повиците на Обединетите Нации, групите за човекови права и западните амбасади да го разгледаат планот за протерување на повеќе од еден милион од четирите милиони Авганистанци во земјата, велејќи дека тие биле вклучени во исламистички напади и злосторства што ја поткопувале безбедноста на земјата.
Многу мигранти избегаа од Авганистан за време на деценискиот вооружен конфликт од доцните 1970-ти, додека новото доаѓање на власт на Талибанците по повлекувањето на коалициските сили предводени од САД во 2021 година доведе до нов егзодус.