Хрватскиот министер за одбрана Марио Баножиќ беше разрешен во саботата на 11 ноември, откако е утврдено дека тој ја предизвикал сообраќајната несреќа во која загина едно лице, а тој исто така беше тешко повреден.
Министерот за одбрана Марио Баножиќ недозволено претекнувал камион кога удрил во комбе кое доаѓало од спротивниот правец, соопштија хрватските власти.
Возачот на комбето загинал во несреќата, а Баножиќ е хоспитализиран со тешки повреди.
Видете и ова: Хрватскиот министер за одбрана тешко повреден во сообраќајна несреќа во која загина едно лице„Го разрешив министерот Баножиќ од должноста министер за одбрана, имајќи ги предвид вонредните околности“, изјави хрватскиот премиер Андреј Пленковиќ набргу по објавувањето на првичните наоди за несреќата во источна Хрватска.
Несреќата се случила околу 6 часот наутро во сабота. Баножиќ (44) го возел својот личен автомобил и патувал сам.