Холандија испраќа воен брод на Кипар, во источниот Медитеран, за да се користи во операции за хуманитарна помош за Појасот Газа.
„Поморскиот брод може потенцијално да се користи и за евакуација“, рече министерот за одбрана Кајса Олонгрен на 8 ноември.
Кипар се обидува да воспостави коридор за поморска помош што може да донесе постојан проток на хуманитарна помош во Појасот Газа кој е зафатен од војна.
Олонгрен ја нарече „многу важна“ иницијатива и отпатува за Кипар за да разговара за напорите.
Видете и ова: Конвој на Црвениот крст се нашол под оган додека доставувал медицински материјал во ГазаПоморскиот брод треба да исплови кон средината на ноември и да пристигне на Кипар десет дена подоцна. Една холандска поморска единица веќе е стационирана на Кипар, вклучувајќи и два транспортни авиони.
Според Олонгрен, авионот би можел да се користи за испорака на медицински материјали во Појасот Газа.
Израел започна воена операција врз Газа, по нападите на Хамас на 7 октомври, во кои беа убиени 1.400 луѓе, а повеќе од 200 беа земени како заложници.
Над 10.560 луѓе се убиени во Газа, меѓу кои повеќе од 4.100 деца, според Министерството за здравство на Хамас.