Претседателката на Европската комисија Урсула фон дер Лајен на 4 ноември пристигна во Киев за да разговара за проширувањето на Европската унија (ЕУ) со украинскиот претседател Володимер Зеленски, објави таа на платформата „X“, поранешен Твитер.
„Тука сум да разговарам за пристапниот пат на Украина во ЕУ“, напиша таа, објавувајќи слика со Зеленски.
Good to be back in Kyiv for my 6th war time visit.I’m here to discuss Ukraine’s accession path to the EU.The EU’s financial support to rebuild Ukraine as a modern, prosperous democracy.And how we will continue to make Russia pay for its war of aggression. pic.twitter.com/dLJ6bUz4UU
— Ursula von der Leyen (@vonderleyen) November 4, 2023
Таа додаде дека ќе разговараат и за „финансиската поддршка на ЕУ за обнова на Украина како модерна, просперитетна демократија“.
Ќе разговорите и за тоа „како ќе продолжиме да ја натераме Русија да плати за својата агресорска војна“, претседателката на Европската комисија.
Киев аплицираше за членство во ЕУ само неколку дена по руската инвазија на 24 февруари 2022 година и доби кандидатски статус неколку месеци подоцна како силен сигнал за поддршка од Брисел.
Видете и ова: Украина е оптимист дека годинава ќе ги започне преговорите со ЕУУкраинскиот министер за надворешни работи Дмитро Кулеба изјави за новинарите во четвртокот дека Киев е на пат да ги исполни своите обврски за отворање на преговорите за членство во ЕУ.
Фон дер Лајен во септември призна дека Киев направил „големи чекори“ во својата кандидатура за членство во ЕУ.
Ова е шеста посета на фон дер Лајен на Украина од почетокот на војната.