Израел „веднаш да го запре ова лудило“ и да ги прекине нападите врз Појасот Газа, изјави турскиот претседател Реџеп Таип Ердоган, пренесуваат француските медиуми, повикувајќи се на неговата објава на социјалната платформа „X“ порано позната како Твитер.
„Израелското засилено бомбардирање во Газа минатата ноќ повторно беше насочено кон невините жени, деца и цивили и ја продлабочи тековната хуманитарна криза. Израел мора веднаш да стави крај на ова лудило и да стави крај на своите напади“, рече Ердоган.
Тој ги повика своите поддржувачи на собир за поддршка на Палестинците во организација на неговата партија денеска во Истанбул.
Видете и ова: Колку е силна израелската „Железна Купола“?На собирот, како што кажа, „јасно и категорично ќе кажеме дека го поддржуваме палестинскиот народ против прогонот од Израел“.
Собирот ќе се одржи на територијата на стариот аеродром „Ататурк“ во Истанбул.
Во последните денови, Ердоган го заостри својот тон за израелското бомбардирање на Газа како одговор на нападот на Хамас на 7 октомври.
Во средата турскиот претседател објави дека се откажува од сите планови да го посети Израел и го критикуваше неуспехот на Западот да ја запре војната во Газа.
„Хамас не е терористичка група, туку група на ослободители кои ја бранат својата земја“, додаде Ердоган, предизвикувајќи гнев кон Израел.