Генералниот секретар на НАТО Јенс Столтенберг на 19 ноември ќе престојува во официјална посета на Босна и Херцеговина.
Ова е негова прва посета на БиХ, потврдија за Радио Слободна Европа (РСЕ) од Министерството за надворешни работи на Босна и Херцеговина. Не е прецизирана причината за неговото доаѓање.
Ден подоцна, на 20 ноември, шефот на НАТО ќе се сретне со претставниците на Босна и Херцеговина.
Во 2010 година, Босна и Херцеговина беше поканета да се приклучи на Акциониот план за членство (МАП), кој претставува прв чекор кон прием, но во исто време не прејудицира каква било одлука за идното членство.
Видете и ова: Србија бара на границата со Косово да присуствуваат само на војници на КФОРКако дел од Акциониот план за членство, соработката на земјата со НАТО е структурирана преку Програмата за реформи во Босна и Херцеговина, која ги прикажува реформите што владата има намера да ги преземе и ја олеснува поддршката на НАТО за овие напори.
Столтенберг во претходните медиумски настапи изјави дека Босна и Херцеговина, заедно со Грузија и Молдавија, припаѓаат на земјите кои заслужуваат посебно внимание од НАТО.
Во средината на јули, лидерите на земјите од НАТО им порачаа на земјите од Западен Балкан дека регионот е од стратешко значење за алијансата и ја потврдија својата посветеност на безбедноста и стабилноста на Западен Балкан.