Бугарската прозападна Влада на чело со премиерот Николај Денков, го преживеа гласањето недоверба во Парламентот со голема разлика, бидејќи пратениците го отфрлија обидот на опозицијата да ја собори владата поради планираното постепено укинување на електраните на јаглен, пренесе ДПА.
Мнозинството од 143 пратеници во Парламентот денеска се спротивставија на предлогот, додека само 71 пратеник го поддржаа. Гласањето овозможува либерално-конзервативната влада, која ја презеде функцијата на почетокот на јуни, да остане на функцијата.
Гласањето се случи на иницијатива на проруските националисти, социјалисти и популисти, кои го обвинија раководството на земјата дека сака да ја уништи нејзината индустрија за ископување јаглен во транзиција кон извори на енергија попријатни за климата.
Владата очекува овој потег да генерира милијарди евра финансиски средства според планот за реконструкција на ЕУ. Околу половина од електричната енергија во Бугарија моментално се произведува од јаглен, а околу една третина од нуклеарната енергија.
Видете и ова: Бугарскиот парламент го одобри договорот за енергетските централиПредлогот беше поднесен од националистичката и проруска партија Вазрашдане (Преродба) и претставен во Парламентот вчера. Социјалистичката партија (БСП) и малата популистичка партија ИТН, исто така, го поддржаа предлогот.
На денешното гласање му претходеа двонеделни протести и блокади на важни транспортни рути од страна на рударите и работниците во електраните на јаглен.