Македонските државјани кои беа евакуирани од Израел денеска со бесплатен авионски превоз пристигнаа на Меѓународниот аеродром во Скопје.
Авионскиот превоз со чартер лет, на релација Тел Авив - Скопје, беше организиран согласно одлука донесена од страна на Владата, заради евакуација на сите државјани на Република Северна Македонија кои сакаа да го напуштат Израел и кои побарале да се вратат во Северна Македонија.
Вашиот пребарувач не подржува HTML5
Беше многу лошо: Евакуираните од Израел се вратија во Скопје
Како што соопштија вчера од Владата, во услови на целосно откажани летови и блокиран авио-транспорт со Израел, предизвикот за организирање на овој чартер лет е надминат преку соработка со „Ер Србија“, а трошоците за летот ќе бидат покриени од буџетот.
Во насока на ефикасна организација на авионскиот превоз, Министерството за надворешни работи, преку Дипломатско-конзуларното претставништво - Тел Авив, обезбеди список и информации за македонските државјани кои се наоѓаат во Израел и кои побарале помош да се вратат во Република Северна Македонија.
Видете и ова: Македонски сопружници заглавени во Газа – се бара спас преку Египет„Амбасадата во Тел Авив, од самиот почеток на кризата е во контакт со државјаните на Република Северна Македонија, а дел од граѓаните кои се затекнаа во Израел, веќе се вратени во земјата меѓу другото и со специјални летови на пријателските држави на Република Северна Македонија“, се наведува во соопштението од Владата.
Министерот за надворешни работи, Бујар Османи, вчера на прес-конференција информира дека од Израел досега се вратени 60 македонски државјани, од вкупно 150 кои побарале помош, а го најави и денешното пристигнување на 90 македонски државјани од Израел.