Египетски полицаец отвори оган врз израелски туристи во медитеранскиот град Александрија, при што уби најмалку двајца Израелци и еден Египќанец, соопшти египетското Министерство за внатрешни работи, пренесе АП.
Телевизискиот канал „Екстра њуз“ цитираше неидентификуван безбедносен функционер како вели дека уште едно лице е рането во нападот што се случи на местото на Помпејовата колона во Александрија.
Соопштено е дека осомничениот напаѓач е приведен.
Израелската спасувачка служба Зак извести дека две лица загинале во Александрија.
Видете и ова: Во нападите се вклучи Хезболах, Израел го гаѓаше јужен ЛибанИнцидентот се случува откако милитантите на Хамас во саботата на 7 октомври започнаа напад врз Израел. Десетици борци на Хамас се инфилтрираа преку силно утврдената граница, а израелската војска по нападот гаѓа цели на Хамас во Газа.
Израелските власти денеска соопштија дека во Израел најмалку 250 луѓе се убиени, а повеќе од 1.500 се ранети. Во меѓувреме, палестинските власти соопштија дека најмалку 232 Палестинци се убиени, а повеќе од 1.700 се ранети.
Египет склучи мир со Израел пред неколку децении и долго време служеше како посредник во израелско-палестинскиот конфликт.
Но, антиизраелското расположение е високо во земјата, особено за време на конфликтот, пишува АП.