Романија соопшти дека почна со изградба на засолниште за воздушни напади во југоисточниот регион на границата со Украина, каде минатата недела беа откриени остатоци од дрон.
Романија одлучи да ги зголеми безбедносните мерки по руските напади врз украинските пристаништа и инфраструктурата на Дунав.
Романската армија почна да работи на изградба на две бетонски засолништа со цел „да го заштити населението“ во градот Плаур што е во близина на украинското пристаниште Измаил, се наведува во соопштението на Министерството за одбрана.
Видете и ова: Столтенберг - Нема знаци за намерен руски напад во Романија
За изградбата на засолништата е ангажиран одред од околу 50 војници, а кога ќе бидат изградени ќе бидат предадени на локалните власти.
На 9 септември романската армија пронајде делови од беспилотни летала „слични на оние што ги користи руската армија“, а романскиот претседател Клаус Јоханис испрати протестна нота до Москва, осудувајќи ги „тешките нарушување на воздушниот простор што претставуваат закана за романските граѓани“ кои живеат во областа.