Повеќе од две илјади луѓе загинале, а околу шест илјади се водат за исчезнати во Дерна, Либија каде што под притисок на поплавите предизвикани од бурата „Даниел“ се урнале две брани, пишува Си-ен-ен.
„Како резултат на тоа, се урнаа три моста. Водата што тече однесе цели населби“, изјави Ахмед Мисамари, портпарол на Либиската национална Армија.
Шефот на либиската служба за вонредни состојби, Осама Али, за Си-Ен-Ен изјави дека по уривањето на браната „целата вода отишла во областа кај Дерна, која е планинско крајбрежно подрачје“.
Видете и ова: Невремето „Даниел“ ги остави Волос и Скиатос под водаТој додаде дека куќите во долините биле однесени од силни струи од кал кои носеле возила и остатоци. Телефонските линии во градот исто така се во прекин, што ги отежнува напорите за спасување, рече Али, а работниците не можеа да влезат во Дерна поради огромното уништување.
Али изјави дека властите не ги предвиделе размерите на катастрофата.
Шефот на либиската источна влада, поддржана од парламентот, Осама Хамад, ја опиша ситуацијата како „катастрофална и без преседан“.