Српскиот претседател Александар Вучиќ на 13 август изјави дека додека е претседател нема да го потпише законот за истополови бракови, ниту законот кој, како што рече, ќе создаде „некој трет пол каде што не сте маж или жена.
Во изјава за телевизијата Пинк, Вучиќ рече дека побарал од српската премиерка Ана Брнабиќ да не потпишува истополови бракови до претседателот и дека тој е „виновен“, пренесува Бета.
Тој додаде дека критиките на Европската унија (ЕУ) треба да се однесуваат на него, а не на премиерот, кој, тврди Вучиќ, „се залага“. Вучиќ оцени дека Србија е земја со традиционално општество и дека не му пречи некој да припаѓа на ЛГБТ+ популацијата.
Видете и ова: Под силно полициско обезбедување и помали инциденти се одржа „Европрајд“ во БелградУсвојувањето на законот за истополови заедници е едно од главните барања на ЛГБТ+ заедницата во Србија. Ова барање се повторува на секоја Парада на гордоста во Белград од 2017 година, а слични закони во регионот донесоа и Хрватска и Црна Гора.