Ноќта меѓу четвртокот кон петокот, Русија го лансираше своето прво вселенско летало кон Месечината по 47 години. Ракетата со сондата Луна-25 полета во 2:10 часот по московско време од космодромот Восточни на Далечниот Исток. Последната руска мисија на Месечината беше извршена во 1976 година за време на Советскиот Сојуз со вселенската сонда Луна 24.
Русија ќе се обиде да биде првата земја што ќе слета на јужниот пол на Месечината, област за која се верува дека содржи мраз. Се очекува Луна-25 да слета на Месечината на 23 август, пренесува агенцијата АП.
Кога ќе слета на Месечината, Луна-25, тешка 800 килограми, ќе има задача да зема примероци и да ја анализира почвата и да спроведува долгорочни научни истражувања најмалку една година, соопшти руската вселенска агенција.
Видете и ова: Русија ќе ја напушти Меѓународната вселенска станица по 2024 годинаОд распадот на Советскиот Сојуз, Москва се обидува да воведе иновации на полето на истражување на вселената, а нејзини конкуренти не се само државите, туку и приватни компании како SpaceX на американскиот милијардер Илон Маск.
Руската мисија се трка со Индија, која минатиот месец испрати свој лендер и веќе орбитира околу Месечината. Индиското вселенско летало Чандрајаан-3 треба да слета на сателитот на Земјата на 23 август. И Соединетите Држави и Кина имаат напредни истражувачки програми фокусирани на јужниот пол на Месечината.