Два беспилотни летала беа соборени рано во неделата во Москва, јави руската државна новинска агенција ТАСС, повикувајќи се на локалните власти и службите за итни случаи.
„Украинските беспилотни летала извршија напади вечерва“, напиша на Телеграм градоначалникот на Москва, Сергеј Собјанин.
Оштетени се фасадите на две деловни згради.
„Сепак, нема загинати или повредени“, рече Собјанин.
Видете и ова: Тешки борби на југот на Украина, спасувачката операција запрена во градот ДнипроМосковскиот аеродром Внуково во југозападниот дел на руската престолнина е затворен за летови за полетување и пристигнување, пренесува ТАСС. Летовите беа пренасочени. Сепак, летовите продолжија на другите аеродроми во регионот.
Москва веќе беше цел на неколку напади со беспилотни летала, кои се случија додека Русија ја продолжува својата инвазија на соседна Украина, започната во февруари 2022 година.
Москва, исто така, постојано го напаѓа Киев со беспилотни летала, ракети и проектили, предизвикувајќи смрт и огромна штета во главниот град на Украина, како и во други градови.
Видете и ова: Украинските сили тврдат дека контраофанзивата напредува