Доскорешните пратеници на ДУИ, Изет Меџити и Мерита Колчи Коџаџику и пратеникот Кастриот Реџепи, кои најавија формирање на ново политичко движење, преку видео на социјалните мрежи сооппштија дека од денеска ќе дејствуваат како независни пратеници.
„Денеска, официјално писмено го информиравме и претседателот на Собранието на Република Северна Македонија дека ќе делуваме како независни пратеници. Ве повикуваме сите без исклучок, да станете дел од новото движење што доаѓа за да станете дел од големата промена, дел од новиот почеток“, напиша Меџити на својот Фејсбук профил, каде има објавено и видео од Коџаџику.
Видете и ова: Меџити ја почна процедурата за формирање на ново движењеВо видеото, Коџаџику информира дека координатор на оваа група ќе биде Кастриот Реџепи, а таа негов заменик.
„Јас, Мерита Коџаџику, Изет Меџити и Кастриот Реџепи ќе делуваме како независни пратеници. Координатор на оваа група ќе биде Кастриот Реџепи, додека јас ќе бидам негова заменичка. Воедно, би сакала да ве повикам сите без исклучок да станете дел од новото движење“, вели пратеничката Коџаџику.
Изет Меџити, пратеник од ДУИ и дел од т.н. „Огнена група“ на 17 јули најави дека заедно со Мерита Коџаџику и Кастриот Рерџепи ќе формираат ново политичко движење. Меџити кажа дека официјалното формирање на новиот политички субјект ќе биде на 13 август.
Видете и ова: Двајца пратеници ја напуштиле пратеничката група на ДУИ„Огнената група“ е составена од поранешни министри, сегашни пратеници и градоначалници и е предводена од Изет Меџити, Муса Џафери и Блерим Беџети. Тие се незадоволни од актуелните министри во Владата од ДУИ и сметаат дека ја узурпирале партијата со своите одлуки.
Членовите на оваа група го напуштија Централното претседателство на партијата во мај и најавија дека ќе функционираат како фракција.