Руските гранатирања и воздушни напади врз украинските цивилни области и инфраструктурата за извоз на жито загинаа најмалку четири лица, меѓу кои две деца, и предизвикаа голема материјална штета во изминатите 24 часа, соопштија денеска украинските воени и регионални претставници.
Руската армија лансираше 16 крстосувачки ракети и повеќе од 20 воздушни напади врз украинските позиции и населените места, соопшти Генералштабот на вооружените сили.
Во источниот регион Доњецк, каде што со месеци се водат тешки борби, во руското гранатирање убиени се две деца, десетгодишно момче и девојче на 16 години во селото Дружба, изјави во петокот на Телеграм регионалниот гувернер Павло Кириленко.
Кириленко рече дека братот и сестрата биле убиени кога една од гранатите испукана од руските војници го погодила дворот на нивната куќа. Повредена е и една постара жена која е хоспитализирана.
Видете и ова: Украина се координира со Турција за враќање на договорот за извоз на житоВо северниот регион на Чернихив, две постари жени загинаа кога руска ракета го погоди нивното село, изјави украинскиот претседател Володимир Зеленски.
Војската, исто така, соопшти дека во нападот биле оштетени складишта за жито во јужна Украина и дека повеќе од 70 станбени згради и друга инфраструктура се уништени или оштетени.
Ракетни напади ги погодија украинските пристаништа на Црното Море во петокот, четврти ден по ред, при што беа запалени магацини за жито во регионот Одеса и беа уништија големи количини храна подготвена за извоз.
„За жал, беше погоден терминалот за жито на едно од земјоделските претпријатија во регионот на Одеса. Непријателот уништи 100 тони грашок и 20 тони јачмен. Во експлозијата се ранети две лица“, изјави регионалниот гувернер Олех Кипер на Телеграм.
Русија на 21 јули соопшти дека нејзината морнарица извела „вежба“ со вистински оган во северозападниот регион на Црното Море, неколку дена откако Кремљ соопшти дека товарните бродови на пат кон украинските пристаништа на Црното Море ќе се сметаат за потенцијални воени цели.
На 21 јули, Зеленски се состана со воените команданти за да разговара за ситуацијата на фронтот и иницијативата за жито.
Видете и ова: Во руските напади на Одеса уништена голема количина хранаШефот на одделот за политички прашања на ОН во петокот пред Советот за безбедност изјави дека руските напади врз украинските пристаништа на Црното Море ризикуваат „далекосежни ефекти врз глобалната безбедност на храната, особено во земјите во развој“.
Розмари Ди Карло, исто така, истакна дека заканите за можно таргетирање на цивилни бродови во водите на Црното Море, кои ги упатија и Русија и Украина, се неприфатливи.
Кога станува збор за ситуацијата на фронтот, руските сили немилосрдно ги напаѓаат украинските позиции во Доњецк и уште еден источен регион, Харкив.
Украинските сили ја продолжуваат својата контраофанзива во правец на Мелитопол и Бердјанск во јужниот регион Запорожје, соопшти војската, без да даде детали.