Мобилните телефони, таблетите и паметните часовници ќе бидат во голема мера забранети во училниците во Холандија од 1 јануари 2024 година, објави на 4 јули холандската влада.
Уредите ќе бидат дозволени само доколку се апсолутно неопходни, на пример за време на часовите за дигитални вештини, од медицински причини или за лица со посебни потреби.
„Иако мобилните телефони се поврзани со нашите животи, тие не припаѓаат во училницата“, рече во изјавата министерот за образование Роберт Дијкграф.
Тој посочи дека е неопходно учениците „да можат да се концентрираат“ и дека „треба да им се даде можност добро да учат“.
Видете и ова: Ограничувања, забрани, кампањи - како да се заштитат децата„Мобилните телефони го одвлекуваат вниманието, покажуваат научните истражувања. Мораме да ги заштитиме студентите од ова“, нагласи ресорниот министер.
Забраната е резултат на договор меѓу Министерството за образование, училиштата и сродните организации.
Училиштата можат сами да одредат начин за спроведување на забраната, рече Дијкграф, а правните правила ќе следат доколку нема доволно резултати до летото 2024 година.