Европската унија го разгледува рускиот предлог да дозволи создавање подружница на Руската земјоделска банка за да го олесни продолжувањето на договорот што и овозможува на Украина да извезува жито преку нејзините пристаништа на Црното Море, објави Фајненшл тајмс на 3 јули.
Претходно, Москва се закани дека нема да го продолжи договорот по 17 јули бидејќи меѓународните санкции го попречуваат нејзиниот сопствен извоз на земјоделски производи.
Видете и ова: Русија ја обвини Украина дека го кренала во воздух клучниот цевковод за амонијакНа предложената нова единица ќе и биде дозволен пристап до системот за финансиски пораки SWIFT, кој беше затворен за руските банки по инвазијата на Москва на Украина во февруари 2022 година.
Русија, исто така, побара пристап до набавките на земјоделски машини и укинување на ограничувањата за осигурување.
Како два од водечките светски земјоделски производители, Русија и Украина се главни играчи на пазарите за жито и маслодајни семиња, почнувајќи од пченица и јачмен до семе од репка и сончогледово масло. Русија е доминантна и на пазарот на вештачки ѓубрива.