Притвор од 30 дена доби жител од Ресен поради сомневање дека силувал шест годишно девојче. Битолското обвинителство соопшти дека против него е отворена истрага по пријава за кривично дело „силување дете кое не наполнило 15 години“.
„Постои основано сомнение дека пријавениот на 2 јуни во Ресен извршил други полови дејствија врз девојче родено во 2017 година, со кое бил сосед. Тој притоа искористил прилика додека жртвата, нејзината сестра и внуката на осомничениот заедно си играле,“ се наведува во соопштението од Јавното обвинителство.
Според полицискиот билтен приведениот имал 59 години , и полицијата доцна во ноќта го привела по пријава дека во паркчето кај населбата „Пролет“ во Ресен, се соблекол и допирал по телото малолетничка.
Видете и ова: Осумгодишно дете - жртва на силување од малолетници
Јавниот обвинител до судијата на претходна постапка доставил предлог за определување мерка притвор за осомниченото лице, оценувајќи дека тој би можел да ја попречува кривичната постапка со влијание врз сведоците и врз оштетеното дете или да го повтори делото.