Вести

Рускиот Врховен суд ја „затвори“ опозициската партија на убиениот Немцов

Архивска фотографија од поранешниот лидер на ПАРНАС, Борис Немцов, направена во март 2014 година. Немцов беше убиен во февруари 2015 година

Врховниот суд на Русија нареди згаснување на опозициската партија ПАРНАС. Одлуката на 25 мај беше донесена на барање на Министерството за правда.

ПАРНАС (скратена форма на името на Партијата за народна слобода) беше официјално регистрирана во 2012 година. Ја водеа поранешниот премиер Михаил Касјанов, поранешниот вицепремиер Борис Немцов и пратеникот Владимир Рижков.

Видете и ова: Илјадници маршираа во сеќавање на Немцов во Москва

Немцов беше убиен во близина на Кремљ во февруари 2015 година, а Рижков го напушти раководството на партијата пред тоа. Од почетокот на руската тековна инвазија на Украина во февруари минатата година, партијата ПАРНАС не беше политички активна.