На руско-украинската граница избија жестоки судири. Москва обвинува дека украинската „група за саботажа“ се обидела да изврши упад во земјата, додека Киев тоа тврдење го демантира.
Експлозии и спорадични пукотници можеа да се слушнат на 22 мај во регионот Белгород, при што локалниот гувернер изјави дека борбите се прелеале во Русија во областа Граиворон, која граничи со Украина. Засега нема информации за жртви.
Украинските медиуми го цитираа портпаролот на военото разузнавање, Андриј Јусов, кој рече дека Легијата за слобода на Русија и Рускиот волонтерски корпус (РДК) составен од руски емигранти кои се борат против инвазијата на Кремљ на Украина се одговорни за упадот, без да дадат докази за таквото тврдење.
„Да, денес рускиот волонтерски корпус и Легијата на слободата на Русија, составена од граѓани на Руската Федерација, започнаа операција за ослободување на овие територии на регионот Белгород од таканаречениот режим на рускиот претседател Владимир Путин и потиснување на непријателот со цел да се создадете одредена безбедносна зона за заштита на украинското цивилно население“, изјавил Јусов, а го пренесуваат локалните медиуми.
Видете и ова: Битките за Бахмут продолжуваатТој додаде дека целта на нападите, за кои владата на Украина негираше дека има удел во нив, е да се воспостави „безбедносна зона“ за да се помогне во заштитата на Украинците од напади од Русија.
Портпаролот на Кремљ, Дмитриј Песков, рече дека Путин бил информиран за упадот и дека се работи на протерување на „саботерите“.
Претходно на 22 мај, нуклеарната централа Запорожје беше накратко исклучена од надворешната електрична мрежа поради извештаите за руско гранатирање на последниот високонапонски далновод што води до најголемата нуклеарна станица во Европа, додека Русија започна бран од ракетни и беспилотни напади врз Регионот Днепропетровск во текот на ноќта.
Тоа беше седми пат кога нуклеарната централа работи без надворешна енергија од почетокот на руската инвазија, рече украинскиот оператор на централата, Енерхоатом, во соопштение претходно на 22 мај.
Во меѓувреме во рускиот окупиран дел на Украина, еден од руските функционери соопштија дека нуклеарната централа Запорожје е приклучена на резевните генератори за снабдување со електрична енергија во итни случаи. Централата беше принудена да работи на резервни генератори неколку пати по руската инвазија.
Украинската државна компанија за електрична енергија Енерхоатом соопшти дека нуклеарната централа Запорожје била погодена од прекин на електричната енергија, без да даде детали.
„Да, го имаме седмиот прекин на струја од почетокот на руската окупација“, одговори Енерхоатом за новинската агенција Ројтерс на 22 мај.