Украинскиот претседател Володимир Зеленски ја истакна потребата за побрза испорака на артилериски гранати од Европската унија за време на состанокот со претседателката на Европската комисија Урсула фон дер Лајен.
Тој, исто така, ги критикуваше ограничувањата за извозот на жито од неговата земја разурната од војна, кои беа наметнати од соседните земји на ЕУ, велејќи дека мерките се благодет за Русија.
Зеленски и фон дер Лајен разговараа и за европската интеграција, одбранбените прашања и санкциите против Русија, пренесува Франс прес.
Видете и ова: Урсула фон дер Лајен во Киев на Денот на ЕвропаШефицата на Европската комисија,Урсула фон дер Лајен, денеска пристигна во Киев за да го одбележи Денот на Европа.
Шефицата отпатува со ноќен воз од Полска за да се види со претседателот Володимир Зеленски и да работи на обидот на Украина за можно членство во ЕУ, пренесува агенцијата Франс прес.
Украинскиот лидер донесе декрет 9 мај да се слави во неговата земја како Ден на Европа, како и во Брисел, отфрлајќи ја традицијата на Денот на победата во Втората светска војна во поранешниот Советски Сојуз.