Законите за изградба на големите проекти, Коридорите 8 и 10д, се веќе пристигнати во Собранието со европско знаменце, изјави денеска претседателот на ВМРО-ДПМНЕ Христијан Мицкоски по средба која ја одржа во Сојузот на стопански комори . Тој ги повика канцеларијата на Европската комисија, но амбасадите во земјава „да се произнесат денеска“ за тоа што го направила Владата предводена од СДСМ и ДУИ.
„Јас денеска нема да го коментирам ова, ќе оставам од Канцеларијата на Европската комисија во текот на денешниот ден да биде искоментирано. Доколку тоа не се случи, тогаш од утре ќе отвориме јавна дебата по тоа прашање. Бидејќи верзиите кои ги видовме, во делот 5 кој вообичаено се користи за објаснување со кој дел од европската регулатива се услогласува овој закон, замислете во овие предлози е празен“, вели Мицкоски.
Во меѓувреме, петте предлог-закони со европско знаменце предложени од Владата кои се однесуваат на изградбата на коридорите 8 и 10д стигнаа во Собранието, објавено е на веб-страницата на Парламентот, каде стои дека овие петте предлог-законии се ставени на 115. пленарна седница закажана за во среда во 11 часот.
За изградба на автопатиштата Струга – Ќафасан, Прилеп – Битола и Тетово – Гостивар – Букојчани, кои треба да ги гради конзорциумот Бехтел и Енка, пратеници претходно побараа измени на осум закони, но бидејќи некои од нив се блокирани од страна на опозицијата. Првиот вицепремиер и координатор за следење на работите за проектот за автопатиштата, Артан Груби, на 5 мај изјави дека поради тоа решиле да предложат измена на пет закони, но со европско знаменце.
Видете и ова: Делегацијата на ЕУ: Употребата на европско знаме за коридорите не е оправданаСепак, од Делегацијата на Европската Унија во земјава имаше реакција Европско знаменце на предлог закони за изградба на автопатиштата од „Бехтел и Енка“ не е оправдано и нема врска со реформската агенда за ЕУ.
Владата предлага со европско знаменце да се носат измени на Закон за работни односи, на Законите за градба, за урбанистичко планирање, за експропријација, и на специјалниот закон за автопатиштата што треба да ги гради американско-турскиот конзорциум Бехтел и Енка.
Лидерот на ВМРО-ДПМНЕ Мицкоски денеска исто така рече дека има отсуство на дебата поврзана со изградба на коридорите 8 и 10д. Мицкоски вели дека на денешната средба во Сојузот на стопански комори предупредиле и за опасностите од проектот.
„Тоа што го има преземено Влдата како обврска, не само што ја става Македонија во подредена положба, туку создава проблем и во следната цела деценија, бидејќи она цена која што во јасвноста се лиферуваше како бројка од страна на Влдата, ќе биде најмалку два пати зголемена и тоа е содржано во оној договор којшто ние како верзија го имаме, а неколку пати во минатото потенциравме дека го имаме добиено од свиркач, а до овој момент од страна на Владата, за сите оние информации коишто ги објавуваме делови од тој договор, не добивме демант“, рече Мицкоски.
Проектот за изградба на автопатиштата од страна на конзорциумот „Бехтел и Енка“, уште од самиот почеток го следат контроверзии. Прво се заобиколија закони и се донесе нов закон „во четири очи“ за таа цел. Имаше проблеми и со изборот на надзор. Првиот обид пропадна поради руска врска, а и вториот се поврзува со скандали со фирмите за надзор. Проектот ќе чини 1,3 милијарда евра. Според најавите, автопатите треба да бидат завршени за 4 години и седум месеци.