Српските здравствени власти соопштија дека двајца ученици и наставник кои беа повредени во вооружен напад во белградското основно училиште „Владислав Рибникар“ се добро, како и четворица пациенти кои се повредени во селата кај Младеновац.
Видете и ова: Масовното убиство во Младеновац е тероризам, изјави Вучиќ, дел од ранетите се опоравуваатМинистерката за здравство на Србија Даница Грујичиќ утрово изјави дека три лица повредени од огнено оружје кај Младеновац се во критична состојба, како и двајца ученици повредени во основното училиште „Владислав Рибникар“ во Белград. Другите повредени се постабилни, но и дека двајца од повредените на училиште следната недела ги очекуваат ортопедски операции.
РТС наведува дека девојчето кое беше тешко повредено во училиштето и кое беше сместено на Детската клиника во Тиршова се уште е во тешка и критична состојба, додека двете повредени момчиња кои беа сместени таму во петокот се пуштени дома.
Во средата 13-годишен ученик од основното училиште „Владислав Рибникар“ во Белград уби осум ученици и еден работник од обезбедувањето во тоа училиште, а повреди уште шест ученици и еден наставник. Во селата кај Младеновац, 21-годишен маж во петокот уби осум лица, а повреди 14.