. Најмалку осум лица загинаа во престрелки во неколку села во близина на Белград
. Четиринаесет лица се ранети
. Осомничениот бил уапсен изутрината на 5 мај
. На терен се голем број полициски единици
. Надлежните ги повикаа граѓаните да даруваат крв во Заводот за трансфузија на крв
Уапсен убиецот кој застрела најмалку 8 лица во Младеновац, недалеку од Белград
Според соопштението на Министерството за внатрешни работи на Србија по опсежна потера, уапсен е осомничениот кој е идентификуван како У.Б. (2002).
Се додава дека во престрелката се ранети 14 лица.
МУП соопшти дека осомничениот бил уапсен во близина на Крагуевац во централна Србија.
Вашиот пребарувач не подржува HTML5
Уапсен напаѓачот кој уби 8 луѓе, а 14 рани, кај Младеновац, Србија
Престрелката се случила доцна вечерта на 4 мај во селата Дубона, Мало Орашје и Шепшин кај Младеновац.
Полицијата се уште не го соопштува мотивот за нападот.
Од МУП на Србија соопштија дека сите повредени се згрижени во болници.
„Полицијата продолжува со натамошната работа за расветлување на сите факти и околности на овој настан“, се додава во соопштението.
Србија, блокиран пат во близина на местото кај што се стрелаше
Инаку, тринаесетгодишен ученик на 3 мај пукаше и уби осум деца и еден чувар, а рани шест ученици и еден наставник во училиште во Белград. Во Србија е прогласена тридневна жалост а настанот го потресе целиот регион.