Познатиот узбекистански новинар Бобомурод Абдулаев е приведен во Турција под неодредени обвиненија, а неговото семејство вели дека стравува дека ќе биде измачуван доколку се врати во централноазиската земја.
Ќерката на Абдулаи, Камола Ќодири, која е студентка во Турција, за Радио Слободна Европа изјави дека полицијата во северозападниот турски град Ескишехир го привела нејзиниот татко два дена претходно.
Ќодири тврдеше дека нејзиниот татко е приведен, најверојатно на барање на узбекистанските власти и дека може да се соочи со произволно апсење и тортура доколку биде екстрадиран во Ташкент. Педесетгодишниот новинар последните години е во Германија. Не е познато кога и зошто отпатувал за Турција.
Абдулаев за прв пат стана познат во 2017 година, откако полицијата го уапси него и уште тројца мажи под обвинение дека повикувале на насилни промени на уставниот поредок на Узбекистан.
Тие наводи произлегоа од серија написи под името Усмон Хакназаров, кое очигледно го користеа повеќе од едно лице. Абдулаев тогаш ги негираше обвинувањата, велејќи дека ја работи својата работа како новинар.
Во мај 2018 година, Абдулаев беше осуден под обвинение за производство на „антивладина пропаганда“. Но, тој беше ослободен од посериозното обвинение за заговор против државата, а потоа беше ослободен.
Видете и ова: Седат Пекер на ЈуТјуб ја тресе власта во ТурцијаМеѓутоа, во 2020 година Абдулаев побегна од земјата во Киргистан откако узбекистанските истражители започнаа истрага против него под обвиненија кои сè уште се непознати.
Извештаите во медиумите во Узбекистан сугерираат дека случајот против Абдулаев во тоа време бил поврзан со неговите објави на социјалните мрежи во кои се критикувал претседателот Шавкат Мирзијоев под псевдонимот Qora Mergan (Црн стрелец).
Во август 2020 година, киргистанските власти го приведоа Абдулаев и го екстрадираа во Ташкент.
САД и групите за човекови права изразија загриженост дека тој ќе биде предмет на прогон и можна тортура во Узбекистан. Меѓутоа, кога пристигнал во Узбекистан, веднаш бил пуштен под надзор во очекување на истрага.
Во октомври 2020 година, Абдулаев рече дека кривичната истрага против него била прекината. Соединетите држави ја поздравија одлуката во тоа време.