Околу 67 милиони деца биле целосно или делумно лишени од рутински вакцини меѓу 2019 и 2021 година поради нарушувања во здравствените системи поврзани со пандемијата на ковид-19, соопштија утринава Обединетите нации.
Ситуацијата предизвикана од ограничувањата во здравствените системи го врати светот повеќе од 10 години назад во однос на вакцинацијата на децата, процени Фондот на Обединетите нации за деца (УНИЦЕФ).
- Лекарите до родителите: Вакцинирајте ги децата, жално е да се вратат искоренетите болести
- Нискиот опфат на вакцинација - ризик од епидемија на морбили
Во извештајот на УНИЦЕФ се предупредува дека „враќањето на вистинскиот пат ќе биде предизвик“. УНИЦЕФ наведува дека во споменатиот период 48 милиони деца не примиле ниту една вакцина.