Словачка ги испорача своите 13-те авиони ловци МиГ-29 во Украина, потврди словачкото Министерство за одбрана, а Братислава доби попуст за купување американски хеликоптери како награда за овој потег.
„Трансферот е извршен со највисоки безбедносни мерки. За разлика од нашиот сосед, ние немавме корист од овие авиони“, изјави словачкиот привремен министер за одбрана Јарослав Над.
Видете и ова: Македонија – една од ретките земји кои на Украина ѝ донира воени авиониДонацијата на 13 борбени авиони МиГ-29 и дел од системот за воздушна одбрана САМ-6 Куб беше предмет на меѓувладин договор меѓу Словачка и Украина, што беше усвоен од Владата во Братислава во март.
САД ѝ понудија на Словачка 12 нови хеликоптери „Бел АХ-1З вајпер“ (Bell AH-1Z Viper) со дополнителна опрема, обука на пилоти и техничари, како и повеќе од 500 ракети „ЕјЏиЕм-114 хелфајр“ (AGM-114 Hellfire) во замена за донирани ловци МиГ-29.