Новинарот Владимир Кара-Мурза кој е руско-британски државјанин и еден од најгласните критичари на Кремљ, е осуден на 25 години затвор од московскиот суд за предавство и други прекршоци, кои тој ги негира. Одлуката на судот веднаш предизвика негодување од неколку западни влади.
Московскиот градски суд, преполн со новинари, дипломати и поддржувачи, ја донесе својата пресуда на судењето на 17 април, нешто повеќе од една година откако Кара-Мурза, кој двапати речиси го загуби животот по, како што вели, намерните напади со труење, беше уапсен за обвинение за ширење „лажни информации“ за руските вооружени сили.
Британската влада веднаш ја осуди пресудата и казната, една од најстрогите казни досега против Русин кој се изјасни против војната на Кремљ против Украина, велејќи дека случајот против 41-годишниот татко на три деца е „политички мотивиран. "
Во соопштението се додава дека рускиот амбасадор во Обединетото Кралство бил повикан и дека британските власти „јасно ќе кажат дека Обединетото Кралство смета судењето на г-дин Кара-Мурза е спротивно на меѓународните обврски на Русија за човековите права, вклучително и правото на правично судење“.
Видете и ова: Новинар на РСЕ кој е руски затвореник добитник на американска награда„Владимир Кара-Мурза храбро ја осуди руската инвазија на Украина за она што беше – очигледно кршење на меѓународното право и Повелбата на ОН“, се вели во соопштението.
„Недостигот на посветеност на Русија за заштита на основните човекови права, вклучително и слободата на изразување, е алармантен.
Амбасадорката на САД во Русија, Лин Трејси, додека излегуваше од зградата на судот за медиумот Медиазона изјави :
„Кривичното гонење на критичарите на режимот е симбол на слабост, а не сила“.
Во август, руските власти го додадоа обвинението за вмешаност во „непожелна“ странска организација, а во октомври го додадоа и обвинението за предавство за јавните критики на 41-годишникот кон руските власти на меѓународната сцена.
Видете и ова: Зеленски ја осуди Русија - Кремљ ќе ја проверува автентичноста на снимката од егзекуција на затворенициСудењето беше одложено минатиот месец, откако неговиот адвокат изјави пред судот дека здравјето на неговиот клиент „значително се влошило“.
Во потврдата од медицинската единица на притворот на Кара-Мурза е наведено дека тој се лекува од полиневропатија, за која вели дека е резултат на труењата.
Во својата последна изјава пред судот на 10 април, Кара-Мурза, кого Амнести интернешенел го прогласи за „затвореник на совеста“, рече дека нивото на непроѕирност во врска со обвиненијата против него ги надмина судењата на советските дисиденти во 1960-тите и 70-тите години и јазикот што се користеше против него потсетуваше на 1930-тите, кога советските граѓани беа апсени под измислени обвиненија и изложени на судења.