Американскиот претседател Џо Бајден се обиде да ја намали загриженоста за неодамнешното протекување на доверливи документи минатата недела кои наводно откриваат детали за воените способности на некои сојузници и противници на САД, велејќи дека нема ништо од „последицата“.
Министерството за правда отвори формална кривична истрага за случајот откако Пентагон го упати на случајот, кој продолжува да ја проценува штетата направена со објавувањето.
„Вашингтон пост“ на 12 април објави дека лицето кое наводно ги објавило документите на мала група за разговор на платформата за социјалните медиуми „Дискорд“ е ентузијаст за оружје во неговите 20-ти години, кој работел во воена база.
Видете и ова: Ројтерс: Протечен документ тврди дека Србија се согласила да ја вооружува УкраинаВесникот го базираше своето известување на интервјуа со двајца неименувани членови на групата. Документите беа објавени пред неколку месеци и не привлекоа внимание, се додека Њујорк Тајмс нѐ објави статија за нив.
„Во тек е целосна истрага, како што знаете, со разузнавачките агенции и Министерството за правда“, им рече Бајден на новинарите во Даблин на 13 април. Тоа беа неговите први јавни коментари по избивањето на скандалот,.
„И тие се приближуваат“, додаде тој.
Бајден, кој е на средина од тридневната посета на Ирска, додаде дека „не е загрижен за протекувањето“ и дека истовремено нема никаква голема последица за која знае. Бројот на протечени документи, од кои некои наводно биле означени како строго доверливи, не е јасен.
Видете и ова: Вучиќ: Србија нема и нема да извезува оружје во УкраинаТие наводно вклучуваат чувствителни обелоденувања за Украина, Јужна Кореја, Израел и други. Администрацијата на Бајден стравува дека протекувањето може да предизвика трајна штета на односите на САД со клучните сојузници и стратешки партнери.
Украинската заменик-министерка за одбрана Хана Малјар изјави за украинската телевизија на 12 април дека „ризикот од протекување е многу минимален“, бидејќи само „многу тесен круг на луѓе“ знае за украинското воено планирање.