Украинскиот претседател Володимир Зеленски на 27 март го посети регионот Запорожје и се сретна со силите на фронтот кај Бахмут, а потоа разговараше со официјални лица и жители на Херсон. Тој објави видео на Телеграм на кое се гледа како доделува медали на украинските војници.
„Чест ми е што сум денеска овде, покрај нашата армија. Благодарен сум на секој наш воин што ја бранеше Украина, нашиот суверенитет, нашите градови и нашите деца. Сигурно ќе победиме“, напиша Зеленски на Телеграм.
Тој се сретна и со директорот на Меѓународната агенција за атомска енергија (МААЕ), Рафаел Гроси, во близина на нуклеарната централа Запорожје.
Набргу потоа, Гроси на Твитер објави дека престојувал во Запорожје и се сретнал со Зеленски за да разговараат за безбедносните прашања околу нуклеарната централа.
I met 🇺🇦@ZelenskyyUa today in Zaporizhzhya City & had a rich exchange on the protection of the #Zaporizhzhya NPP and its staff. I reiterated the full support of the @IAEAorg to #Ukraine’s nuclear facilities. pic.twitter.com/fSPIMnYfhL
— Rafael MarianoGrossi (@rafaelmgrossi) March 27, 2023
Нуклеарната централа во Запорожје е во рацете на руските сили и во неколку случаи кога снемуваше струја беше принудена да се префрли на дизел генератори кои се само за итни случаи.
Во меѓувреме, продолжуваат тешките борби со несмалено темпо во регионот на Донецк, соопшти украинската војска, при што Русите го продолжуваат притисокот врз разурнатиот град Бахмут, централната точка на офанзивата на Москва на исток, а исто така сè повеќе ја таргетираат Авдијивка, друг град во Донецк.